Boed/Rho'ed i Grist yn etifeddiaeth

Boed i Grist yn etifeddiaeth,
  Y Cenhedloedd o bob iaith;
A therfynau'r byd
      i'w feddiant,
  Ga'dd yn wobrwy am ei waith;
    Ië, rhoddwyd,
  Pob awdurdod yn ei law.

Holl deyrnasoedd byd yn gyfan,
  Sydd yn eiddo'n Harglwydd ni;
Ei lywodraeth sydd yn eang,
  Mae ei enw uwch pob bri;
    Boed yn amlwg
  Ei ogoniant Ef a'i ras.

Iesu! estyn dy deyrnwialen
  Dros derfynau eitha'r byd;
Dyrcha'th faner at y bobloedd,
  Atat tyn y rhai'n i gyd:
    Gan bob llygad
  Gwelir iachawdwriaeth Duw.

Daw'r holl freision ar y ddaear
  I was'naethu Crist yn llon;
A holl wŷr y llwch a ddeuant,
  Ac ymgrymant ger ei fron;
    Haleluiah,
  Bendigedig fyddo'r Oen.

gwelir:
  Holl deyrnasoedd byd yn gyfan
  Iesu estyn dy deyrn-wialen

May Christ have as an inheritance,
  The nations of every language;
And the ends of the world
      as his possession,
  Which he got as a prize for his work;
    Yes, he was given,
  All authority in his hand.

All the kingdoms of the whole world,
  Are the property of our Lord;
His government is wide,
  His name is above all renown;
    May his glory
  And his grace be evident.

Jesus, extend thy sceptre
  Over the utmost ends of the world;
Raise thy banner to thy peoples,
  To thyself draw them all:
    By every eye
  Is the salvation of God to be seen.

All the prosperous on the earth shall come
  To serve Christ cheerfully;
And all the men of dust shall come,
  And bow before him;
    Hallelujah,
  Blessed be the Lamb.